Өскеменде муниципалды автопарк пайда бола ма?

Облыс басшысы атап өткен басты мәселе – Өскемендегі қоғамдық көлік билетінің құны жоғары, бірақ жолаушлард тасымалдайын техника паркі әлі де жаңартылмаған.

- Өскемендегі автобус билеттерінің құны елдегі ең қымбаты, - деді Даниал Ахметов. - Ел бойынша баға тек Алматы мен Астанада жоғары. Бірақ кейбір автобус парктерінің иелері бағаны әлі де көтергісі келеді. Әйтсе  де, олардың пайдаланып жүрген автобустары өте ескі әрі ешқайсы да бекітілген тасымал кестесіне сай жұмыс істемейді. Сондықтан тарифті көтеруге моральді тұрғыда құқықтары жоқ.

Бұл мәселені билік шешпек. Биыл Еуропалық қайта құру және даму банкінің есебінен Семей және Өскемен қалаларына 200 жаңа автобус сатып алу жоспарда бар.

- Олардың билет бағасы қолайлы болады. Біз муниципалды парк ашамыз немесе кәсіпкерлерге береміз. Бірақ тек жолаушылар қамын ойлайтын кәсіпкерлерге береміз, - деді ШҚО әкімі.