Өскемен мен ШҚО ШҚО көлік жүргізушілері салық төлегісі келмейді
Былтыр облыстың 60 мың көлік жүргізушісі салық төлемей, мемлекетке 800 млн теңге қарыз болып қалған
Мемлекеттік кірістер департаменті мамандары болса, жүргізушілерді салық төлетуге мәжбүрлеу қиын, сондықтан оларға айыппұл салғаннан басқа амал жоқ деп отыр.
- Егер азамат салықты төлеу туралы хабарландыру келген күннен бастап 30 күннің ішінде төлемесе, онда салықты тез арада өтеу жөнінде бұйрық шығады да тағы бес жұмыс күні ішінде төлеуге рұқсат береді. Ал егер азамат бұған да көнбесе, онда оны мәжбүрлі түрде өтеуге міндеттеу керек болады, - дейді Өскемен қалалық қоғамдық кеңесі ШҚО Мемлекеттік кірістер жөніндегі департаментіне сілтіме жасап.
Ал салық төлемеген азамат 24 мың теңге айыппұл төлейді не 10 күнге қамалады.
Айта кету керек, егер көлік жүргізушісі салық кешіктіріп төлеген болса, онда кешіктірген күндеріне өсім қосылады.
