Өз күйеуін өлтіре жаздады

Жанжал түн ортасында сәтпаев даңғылы бойындағы үйлердің бірінің ауласында орын алған.

Әйел адам құрбыларымен бірге қаладағы көңіл көтеретін орындардың бірінде отырған. Күйеуі хабарласып, дереу үйге қайтуын талап еткен. Ал мас күйінде көлік тізгіндеген азаматша құрбысын алып, үйіне барған. Ал үйде күйеуі мен екі баласы болған көрінеді.

Көлікті тұраққа қойған жүргізуші құрбысын көлікте қалдырып, пәтерге өзі жалғыз көтерілген. Ал әйелі үйге келгеннен кейін күйеуі балалармен үйде отыруға құлықсыз екенін танытып, үйге қонбайтындығын айтқан. Әйелінен таксиге ақша алып, шығып кеткен. Ал есік алдындағы әйелінің көлігінде бөтен әйелдің отырғанын көріп, жанжал шығарған. Көмекке шақырған құрбысының дауысын естіген әйел дереу далаға шыққан.

Ал бойын ашу билеген ер адам әйелінің бетінен жұдырықпен соғып жіберген. Ал әйел көліктен жиналмалы пышақ алып шығып, екі рет күйеуінің кеудесінен соққы жасаған. Абырой болғанда, азамат аман қалды. 

Өскемен қалалық  №2 соты азаматшаны үш жылға бас бостандығынан айыру туралы жаза кесті. Ал азаматша күйеуімен достасқан.