Өскемен мен ШҚО Жалған техникалық байқаудан өткен көліктер айыппұл тұрақжайына әкетіледі
Сондықтан арнайы орындардан ғана техникалық байқаудан өткен дұрыс
Полицейлер көлік жүргізушілерін арнайы орындардан ғана техникалық байқау жасатуға шақыруда. Мұндай жағдайда тек жүргізушінің өзі ғана жапа шегеді.
- Жүргізушілер уақыты мен ақшасын үнемдеймін деп көліктің жүруге жарамды екенін тексермей-ақ растайтын диагностикалық карта сатып алады. Мұндай карталарды, тіпті, базардан сатып алуға болады. Ал "сатушы" болса, автокөлікті Бірыңғай ақпараттық орталыққа енгізбеуі мүмкін. Мұның зияны "саудагерге" емес, жүргізушінің өзіне келіп тиеді, - дейді ШҚО Автокөлік құралдарын техникалық тексеру орталығы қауымдастығының төрағасы Александр Корогод.
Жүргізуші бес айлық есептік көрсеткіш есебінде (11 мың теңге шамасында) айыппұл ғана төлеп қоймай, автокөлікті қайтадан техникалық тексеруден өткізуге тура келеді.
Ал қазіргі уақытта Өскемен қаласының өзінде мамандандырылған арнайы техникалық тексеру жасайтын 20 орталық бар. Осы орталықтарға барып, заңды қорытынды алуға болады.
