Комендантка жағалауы қайта қирап жатыр

Бір қысқа шыдамай, ондағы аяқжол тақтайшалары сынып, жасанды хауыздың сәндік бұйымдары зақымданған.

Қаланың комуналды қызметі хабарлағандай, жақын уақытта жөндеу жүргізіледі.

- Комендантка өзені жағалауына өз орынбасарымды жіберіп, құрылыс жұмыстарын жүргізген мердігерді, "Өскемен Тәртіп" басшылығын шақырттым, - деп мәлімдеді Өскемен қалалық ТҮКШ, жолаушылар көлігі және автомобиль жолдары бөлімінің басшысы Руфат Акрамов. - Онда кепілдік бойынша қандай жөндеу жұмыстарын жүргізу керектігі анықталалы. Сонымен қатар, кімнен қандай қате кеткендігі де анықталып, орны толтырылады.