Өскеменде эвакуацияланған тұрғындардың үйлерін тонауға жол бермейді

Облыс орталығында су тасқынынан зардап шеккен тұрғындар үйлерінен көшірілгеннен кейін, кейбір үйсіз-күйсіз жүрген, тұрғылықты жері жоқ адамдар су басқан үйлерді паналауға кірісті.Су тасқынынан зардап шеккен адамдардың мүлкін қорғау мақсатында полиция қызметкерлері қызмет етуде және қазір олар Ескі Согра, Меновное, Ахмер, Шмелев лог, Красина және Аблакет аудандарын күзетуде.

- Қазір полиция қызметкерлері эвакуацияланғандардың мүлкін қорғауды тәулік бойы қамтамасыз етеді, - деп мәлімдеді Өскемен қалалық ІІБ жергілікті полиция қызметінің орынбасары Бауыржан Омаров.

 Зардап шеккендердің мүлкін тонауға жол бермеу үшін су басқан ауданды жергілікті полиция қызметінің 32 жаяу және 12 автокөлік  қызметкерлері күзетуде.