Аягөз ауданында 400 адам құтқарылды

ТЖ кеше жарияланып, 300 адам қауіпсіз жерге көшірілді. Бірақ су толастар емес.

- Еріген қар суы және жауған жаңбырдың салдарынан 3 автокөлік, 5 жаяу өткелді, сонымен қатар, 20 тұрғын үйді су басып қалды, - дейді Аягөз аудандық ішкі саясат бөлімінің басшысы Медет Мырзыкешев. - Мамандар тұрғындарды қазақ мектеп-лицейіне, интернатқа,  №6  мектепке және кейбіреулерін туыстарының үйлеріне көшірді. 

ТЖ құтқару жұмыстарына әкімшілік, АІІБ, коммуналды мекеме қызметкерлерінен өзге ерікті тұрғындарды да тартуда.

- Тасқынды жою үшін 11 арнайы техника, 20 көлік, 3  мотопомпа жұмылдырылған. Зардап шеккендер жоқ. Бірақ жедел жәрдем қызметі ТЖ орнында қажетті көмекті көрсетуде, - дейді Медет Мырзыкешев.