ШҚО мұғалімдері мерекені атап өтуден қорқып отыр

Өскемен қаласындағы мектептердің бірі білім бөлімінен оқушылар мен ата-аналардан сыйлық алуға тыйым салынғандығы жөнінде тапсырма келіп түскенін айтады. Ал жемқорлыққа қарсы іс-қимыл департаменті мамандары оқу мекемелерін аралап, кезекшілік жасамақ.

- Пара алушыны мектептен іздеу ақылға сыймайды ғой. Мен өзім басым, гүл берсе, алар едім. Бұл – менің оқушыларымның маған деген алғысы. Шын көңілмен әкеліп тұрған сыйынан бас тарту баланың да көңілін қалдырады, - дейді мұғалім.

Ал оқушылар болса, мұғалімін мектепке құттықтай алмағандықтан, үйіне барып құттықтауға мәжбүр.

- Сынып жетекшіміз сыйлық алудан бас тартты. Сондықтан біз кешке балалармен жиналып, мұғалімнің үйіне барып, бір шоқ гүл мен бір қорап тәттіміздің апарып, құттықтайтын болдық, - дейді оқушы Валерия.

Ал қалалық білім бөлімі мұндай тапсырманың неден шыққанын түсіндірді.

- Мұғалімдерге гүл сыйлауға болады. Алайда конфет алуға болмайды. Көбінесе, материалдық құндылығы бар сыйлықтарға беруге тыйым салынуда. Мәселен, телефон, планшет, - дейді Өскемен білім бөлімі басшысының орынбасары Дмитрий Журавлев.

Жемқорлыққа қарсы іс-қимыл агенттігі гүл мен бір қорап шоколадта тұрған ештеңе жоқ деп отыр.

- Мемлекеттік қызметкерлер бағасы 2 АЕК (5000 теңге) асатын сыйлықты қабылдауға болмайды. Ал мұғалімдер мемлекеттік қызметкерлерге жатпайды, - дейді ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің ШҚО бойынша департаменті басшысының орынбасары Қайрат Сапарғалиев.