Өскемен мен ШҚО Өскемен жастары көшеде жүріп, қыз-келіншектерге гүл сыйлады
Барлығы 2 мың гүл таратылған екен
Халықаралық әйелдер күніне орай, қалалық жастар ресурстық орталығы мен "Жас Отан" жастар қанатының белсенділері "Сүйіктіме гүл" атты акция өткізіп, көшеге шығып, нәзік жандыларға гүл таратты.
- Бұл біздің жыл сайын өткізіп тұратын, дәстүрге айналған шарамыз, - дейді Өскемен қалалық Жастар ресурстық орталығының директоры Ринад Ахметжанов. – Қаламыздың барлық ауданын қамтуға тырыстық.
Жас белсенділері "Бипэк Авто" компаниясы ұсынған сәнделген көліктерге отырып, қаланы аралып, нәзік жандылар жақсы көретін раушан, қызғалдақ сынды гүлдерді таратты.