Өскемен тұрғыны ЖКО барысында ауыр жарақат алды

Өскемен қалалық ІІБ баспасөз қызметі хабарлағандай, 34 жастағы Toyota Land Cruiser автокөлігінің жүргізушісі Ушанов алаңынан Виноградов көшесіне қарай бағыт алған. Бұрылыс барысында ол қарсы жолаққа шығып кетті. Дәл осы уақытта өз жолағымен келе жатқан Toyota Mark II көлігіне соғылады.

Соққыдан көліктер айналып, жол талғамайтын көлік жолдан шығып кетті. 28 жастағы седан жүргізушісі ауруханаға жеткізілді. Қазір тергеу жүргізілуде.