Бүгін 10-нан бастап трамвай тоқтайды

Бүгіннен бастап күнделікті 10.00-ден 17.00-ге дейін трамвайлар қозғалысы шектеледі.

Трамвай паркінің энергетикалық компания алдындағы қарызы - 70 млн теңгені құрады. Қарызды өтеу қарқыны өте бәсең болғандықтан, "Шығысэнерготрейд" ЖШС желіге электр қуатын беруді шектемек.

Қалалық әкімдіктегілер трамвай бағыттарымен қатынайтын автобус маршруттары шыққанын айтады. №15 бағыттағы автобус №3 бағыттағы трамвайдың, ал №27 бағыттағы автобус №1 және №2 бағыттағы трамвай жолымен қатынайды.

Ал трамвай паркінің басшылығы трамвайлардың түбегейлі тоқтап қалмауы үшін қолдан келгеннің барлығын жасауда.

- Біз энергиямен жабдықтау компаниясымен келісім жүргізіп жатырмыз. Бізде ақша құюға дайын инвестормен келісімшарт жасалды, тек екі апта күту ғана қалды, - дейді парк директоры Анатолий Успенский. – Бірақ неге екені белгісіз, бізде инвестор пайда болған уақытта мәселелер де шыға келеді. Бұл жағдай бұған дейін де болған.