Өскемен мен ШҚО Жолаушы тасымалына бөлінетін субсидия азаюы мүмкін
Облыс әкімі Даниал Ахметов оның орнына темір жол мен әуе тасымалына көп мән бермек
Биыл Семей мен Өскеменнен Алакөлге баратын темір жол маршрут іске қосу жоспарланып отыр. Ал билет бағасы 2 мың теңге болмақ.
Маусым айынан бастап "Өскемен – Жалаңашкөл – Өскемен", "Семей – Жалаңашкөл – Семей" темір жол маршруты бойынша пойыздар қатынай бастамақ. Бұл пойыздардың билет бағасы арзан болуы үшін 294 млн теңге субсидия бөлініп отыр.
- Пойыздар аптасына төрт рет қатынаса, тұрғындар үшін сол жеткілікті деп ойлаймын. Бұл қазына қаражатын екі есе үнемдеуге мүмкіндік береді, - дейді Даниал Ахметов.
Теміржолдан өзге субсидия қаржысы ұшақ қатынасына да бөлінбек. Қазіргі уақытта Үржар – Алматы мен Үржар – Астана бағытында ұшатын ұшақтарға субсидия бөлінген.
