Өскемен мен ШҚО Өскеменде өрт салдарынан бір адам зардап шекті
"Титан" саяжай бірлестігінде өртенген көлікті өз бетінше сөндірмек болған ер адам қолын күйдіріп, ауруханаға жеткізілді
Оқыс оқиға Девятое көшесі бойында орын алған. ГАЗ 3302 маркалы көлік өртке оранған.
- Өрт сөндірушілер келгенге дейін көлік иесі өртті өзі сөндірмек болған. Оның салдарынан ер азаматтың оң қолын бірінші дәрежелі күйік шалған, - деп хабарлайды Өскемен қаласы ТЖБ. - Апаттар медицинасы орталығының қызметкерлері алғашқы көмек көрсеткеннен кейін, зардап шеккен азамат бірінші қалалық ауруханаға жеткізілді.
Қауіптілігі жоғары агрегатты абайсыз қолдану оқиғаның орын алуаны себеп болуы мүмкін.
