Өскемен мен ШҚО Риддерде жартастан құлаған қызға көмек қажет
Омыртқасы жарақат алып ауруханаға түскен 19 жастағы Алина есімді қыз он күннен кейін емдеу мекемесінен шықты
Ал қазір оған МРТ мен қалпына келтіру процедурасынан өту қажет. Ал бұл ұзақ уақытқа созылады. Алайда тек анасымен ғана тұратын жас қыздың бұған қаржысы жетпейді.
Алина Риддер қаласында туып өскен. Қазір анасымен бірге Өскемен қаласында пәтер жалдап тұрады. Қызы қаладағы медициналық колледжге түскен соң, анасы да Өскеменге қоныс аударған.
- Оқу ақылы. Пәтерді жалдап тұрамыз, - дейді анасы Ольга Кутергина.
Анасы қызының бірінші сыныптан бастап би билеумен әуестенгенін, ал қазір мүлдем тұра алмай төсек тартып жатқанын айтып көзіне жас алды.
- Қызымызның бір арманы бар еді. Ол – ұшақтан парашютпен секіру. Ал қазір мүлдем төсек тартып жатыр. Аяқтан тұра алмайды, - дейді анасы.
Ал шағын отбасының қайта тірлік кешуі үшін тұрғындардың көмегі қажет.
Қол ұшын бергісі келген қайырымды жан қажетті қаражатты КАЗКОМ банкіндегі Ольга Владимировна Кутергинаның жеке есепшотына KZ60926016PN02945744 аудара алады.