Таразда полицейлер жол апатынан зардап шекті
Жол апаты Әл-Фараби мен Төле би көшелерінің қиылысында орын алды
Жол-көлік апаты салдарынан екі полиция қызметкері ауруханаға түсті, деп хабарлайды "Қазақпарат" сайты. Дәрігерлер науқастардың жағдайын ауыр деп бағалауда. Олардың біреуі нейрохирургия бөлімінде.
Жол-көлік оқиғасының себептері анықталмады. Бір нұсқа бойынша, трактор полиция көлігіне жол бермей, салдарынан көлік ағашқа соғылған. Екінші нұсқа бойынша, жүргізуші көлік тізгініне ие бола алмай, соның кесірінен апат орын алған.
Орын алған оқиға әлеуметтік желіде кеңінен талқылану үстінде. Алайда оқиғаның ресми нұсқасы әлі айтылмады.