Өскемен мен ШҚО Жас өскемендіктер мұз айдынында сайысқа түсті
Бүгін Комсомол аралдарындағы мұз айдынында барлық қала мектептерінің спортшылары бас қосты
"Көңілді старт" шарасы төрт кезең бойынша өтуде. Аталған сайысқа 5-сыныптан 8-сынып аралығында 400-ге жуық оқушы қатысып, бақтарын сынауда.
Ұлдар мен қыздар жарыс басталғанға дейін мұз айдынында бастарын қосты. Шараға облыс орталығының ең үздік конькишілері жиналды.
Жарыстың ұйымдастырушылары - Өскемен қаласының спорт бөлімі. "Көңілді старт" шарасы Астананың 20 жылдығына орай өтуде. Ұйымдастырушылардың айтуынша, салауатты өмір салтын насихаттайтын осы сынды спорт шаралары әр апта сайын өткізілетін болады.
