Өскемен мен ШҚО ШҚО-да автобустар тексерілмек
Полиция қызметкерлері мен көлік инспекторлары 20 күн бойы қоғамдық көліктердің техникалық жағдайын тексермек
Басты талап – автобустарда қауіпсіздік шаралары жасалған не жасамағанын анықтау. Жүргізушілердің тіркеу құжаттары да тексерілмек. Алдын алу шарасы 22 қаңтардан бастап 18 ақпанға дейін жүргізіледі.
Қоғамдық көліктердің техникалық жағдайы автопарктен шыққаннан кейін ғана тексеріледі. Егер техникалық ақаулар мен қауіпсіздік шараларында қателіктер болса, әкімшілік айыппұлдар салынады.
Қазірдің өзінде, екі күннің ішінде 130 әкімшілік хаттама толтырылып үлгерген. Оның ішінде бес жүргізуші ауаны ластағаны үшін, он тоғызы жылдамдық асырғаны үшін айыппұл төлесе, тоғызында жүргізуші куәлігі болмай шықса, екі жүргізуші көлікті техникалық тексерістен өткізбеген.