Өскемен мен ШҚО Семей әуежайында атыс болды
Автокөліктің ауа фильтрінің бөшкесі сынып, ол екі адамның кикілжіңіне себеп болған
Семей әуежайында қайта құру жұмыстарын жүргізіп жүрген мердігер фирманың жұмысшылары атыс ұйымдастырды.
"КамАЗ" жүк көлігінің жүргізушісі оның сынып қалған фильтірін жөндеуді өтініп, дәнекерлеушілерден көмек сұраған. Ал дәнекерлеуші жігіттер дөрекі сөйлеп қана қоймай, оны құрылыс учаскесінен қуып шықпақ болған. Ақыры ашуға берілген егде жастағы жұмысшылар жұдырықтаса жөнелген. Құрылысшы жүргізушіні жұдырыққа жықса да, «жығылған жұдырыққа тоймайды» деп көлік иесі көмек шақырады.
Келесі кездесу жүргізушінің бауыры мен ұлының қатысуымен өткен. Бұл жол дәнекерлеушілердің басшысы соққыға жығылады. Жеңілген еркек күзетші бекетінен аңға арналған мылтықты алып шығып, жүріп бара жатқан «КамАЗ» көлігін атқылай жөнеледі.
Атыс нәтижесінде жүргізушінің арқасына оқ тиген. Бірақ жарақаты қатерлі емес.
Сот барысында атқыш қарсыластарын үркіткісі келгенін, адамдарды нысанаға алмағанын айтады. Мамандандырылған ауданаралық қылмыстық сот ер адамды төрт жылға бас бостандығынан шектеді.
Үкім заңды күшіне енген жоқ.
