Өскемен мен ШҚО ШҚО-да 30 адам жолда үсіп қала жаздады
Алматыдан Зайсанға қайтып бара жатқан автобус Аягөз қаласынан 40 шақырым жерде аяздың кесірінінен бұзылып, жолда тоқтап қалған
Жолаушыларға құтқарушылар мен полицейлер келіп көмектескен
- Кешкі сағат ондарда құтқару қызметіне хабарлама түсіп, жолда автобустың бұзылып қалғандығы айтылды. Полицейлер келіп жеткенше, әкімдік қызметкерлері автобус апарып, жолаушыларды сонда отырғызды. Ал жолда өтіп жатқан автобус жолаушыларды жақын маңдағы кафелердің біріне дейін жеткізіп тастады. Екі жүргізушіні полицейлер апарды, - дейді Аягөз аудандық төтенше жағдайлар бөлімінің бас инженері Дархан Нұғыметов.
Жолаушылардың барлығы - Зайсан ауданының тұрғындары. Зардап шеккендер жоқ.
- Ал түнге таман Аягөз аудандық төтенше жағдайлар бөлімінің қызметкерлері мен әкімдік мамандары келіп, жолаушылары Аягөз қаласына жеткізіп, жасөспірімдерге арналған спорт мектебіне орналастырды, - дейді ШҚО ТЖБ.
