Өскемен мен ШҚО Өскемендегі аулаларды жөндеуге өтініш қабылдануда
Өскеменде өткізілгелі отырған «Менің аулам» атты бағдарламаға қазірдің өзінде 70 өтініш келіп түскен
Ал қалалық мәслихат депутаты, жергілікті атқарушы орган маманы, Өскемен тұрғын үй пәтер иелері кооперативі қауымдастығы, қоғамдық кеңес пен өзін-өзі басқару кеңесінің өкілдері енген арнайы комиссия қазіргі уақытта жөнделуге тиісті аулалардың тізімін жасауға кірісіп кетті.
- Аулаға кіретін жолдар мен автокөлік тұрақтары кеңейтіледі, балалар мен спорт алаңдары салынады, абаттандыру жасалып, жарық тартылады, - дейді Өскемен қаласы әкімінің баспасөз қызметі.
Ал комиссия мүшелері қала тұрғындарынан өз ауласын жөндеуге деген белсенділік танытуларын өтініп отыр. Өйткені өтініш барынша ерте түссе, аула соғұрлым ерте жөнделмек.
