ШҚО-дағы ауруханалар мен поликлиникалар әлеуметтік желіде парақшалар ашпақ

Ал Шығыс Қазақстанда орналасқан кейбір ауруханалар мен поликлиникалар әлеуметтік желіде өз парақшаларын ашып үлгерген. Мәселен, Ана мен бала орталығы, Шығыс Қазақстан облыстық ауруханасы, Амбулаториялық орталық, №4 Өскемен қалалық ауруханасы Фейсбук желісінде әлеуметтік парақшаларын жүргізіп келеді.

- Аурухананың өз сайты бар. Онда «Сұрақ-жауап» атты сілтеме орналастырылған. Әлеуметтік желіде де парақша ашқанбыз. Аурухана пациенттері әлеуметтік желідегі парақшада өз ұсыныстарын, ал кейде шағымдарын айтып жатады. Кері байланыс аурухана жұмысын дұрыс жолға қояды, - дейді №4 Өскемен қалалық ауруханасының бас дәрігері Сергей Попов.

Бас дәрігерлердің айтуынша, әлеуметтік желіні игеру – заман талабы. Ғаламторда отыратындан көп. Сондықтан мұнда қандай да бір медициналық ақпаратты жеткізу, қызмет туралы хабар беру оңай болады. Алайда әлеуметтік желіні арыз-шағымға толтырып тастамай, кейде аурухананың басшысына келіп, жөнін айтып, ұсыныс тастаса болады.