Өскеменде ойыншық аюды петардамен жарып көрді

Облыс орталығының құтқарушылары мерекелік пиротехниканың қауіптілігін шынайы түрде көрсетті

Бұл үшін танымал петардалар ойыншық аю үлгісіндегі нысанға орнатылып, «отшашу» тамызылды. 5-10 секунд ішінде жарылғыш құрал аюдың парша-паршасын шығарды.

- Петардалардың құрамына жарылғыш, жанғыш заттар мен қышқылдандырғыштар кіреді, - дейді ТЖБ баспасөз қызметкері Марина Лискова. - Сондықтан бұл өнім үлкен сақтықты талап етеді. Көптеген тұрмыстық петардалар секундына 3-5 миллиметрге жанатын жіңішке фитильден тұрады.

Баспасөз қызметкерінің айтуынша, қауіпті аймақ радиусы алпыс метрге дейін жетуі мүмкін. Құтқарушылар қауіпсіздікті қатаң сақтау керектігін ескертеді.