Өскемен мен ШҚО Көкпекті диқаншысы егін алқабын бүлдірген тұрғыннан бірнеше миллион теңге өндіріп алды
Егінге қыркүйек айында жылқы табыны түсіп кеткен
Көкпекті ауданының Мамай және Үлгілі Малшы атты екі ауылының тұрғыны жылқысына ие болмаған көрінеді. Ал өрісте жүрген табын жылқы шаруа қожалығының бидай өсіретін алқабына түсіп кетіп, пісіп тұрған 80 гектар шабындықты таптап, диқанның ала жаздай суарған егіндігін өнімсіз қалдырған.
Диқаншы келген шығынды есептеп ауылдың қос тұрғынынан 30 млн теңге қайтарып беруді талап еткен. Кейін сотқа шағымданған. Ал жылқының иелері дауды бейбіт шешуді ұсынып, диқаншыға 2 млн 650 мың теңге өтемақы берген.
