Өскемен ауруханасы ғимаратында тарақан "қаптап" жүр

Аурухананың урологиялық бөлімінің палаталарында жатқан қала тұрғындары, қарапайым ғана, санитарлық норманың дұрыс сақталмайтындығын айтып шағымдануда.

- Палатаның жуынып-шайынатын жерінде тарақандар «қаптап» жүр. Әсіресе, түнде көбейеді. Ұйықтауға қорқамыз. Медбикелерге ескерткен едік, олар барлық ауруханада тарақан бар екендігін айтты, - дейді пациенттердің бірі.

Ал аурухананың бас дәрігері Юрий Старокожевтің айтуынша, тарақандардың ғимаратқа келіп тіршілік етуіне қысқы аяз себеп болған.

- Біз қабылданған графикке сәйкес дезинфекция жасап отырамыз. Алайда ғимараттың іші жылы, ал дала суық болғандықтан, жәндіктер жылы жерге келген болар. Ал жазда тарақандар мүлдем болмайды. Айта кету керек, біздің аурухананың ғимаратына 36 жыл болған, - дейді бас дәрігер.

Бас дәрігер өзіне келіп, ешқандай емделушінің шағымданбағандығын айтады. Алайда дезинфекция жасалатындығын ескертті.