Өскемен мен ШҚО Өзгенің ақшасын иемденген
Шығыс Қазақстанда сауда өкілі өзгенің 3 млн теңге ақшасын иемденіп алған
28 жастағы қыз сауда өкілі болып жұмыс істеген ЖШС иесі полиция қызметіне шағымданған.
Анықталғандай, үш ай бойы, қыркүйек-қараша айлары аралығында кәсіпорында сауда өкілі болып қызмет еткен бойжеткен саудадан түскен табысты кәсіпорын кассасына салмай, өзі алып отырған.
Ал кәсіпорын иесі сауда өкілінің қарызын байқағанда, қарыз құны 3 млн 273 мың теңгеге жеткен. Алаяққа қатысты қылмыстық іс қозғалды.