Өскемен мен ШҚО Шығысқазақстандық мемлекеттік қызметкерлер аз жалақы үшін жұмыстан шығуда
Қызметтен босаған жұмыскерлердің көбі мемлекеттік қызметтің ауыр әрі жалақысы аз екендігін айтқан
Бұл жайында ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің ШҚО бойынша департаменті айтып отыр.
- Мемлекеттік қызметтен босаған жандармен ауызша және жазбаша сұхбаттасамыз. Мақсатымыз - мемлекеттік қызметкерлердің неліктен жұмыстан кеткісі келгенін білу, басшылық тарапынан қысымның болған не болмағанын анықтау. Ал мемлекеттік қызметкерлердің жұмыстан босуының басты екі себебі бар. Бірі - жұмыс көлемінің көптігі мен еңбекақының аздығы. Екіншісі - басқа қалаға, елдімекенге көшу. Алайда олардың ешбірінде басшылық тарапынан қысым не күш көрсету болмаған. Барлығы - өз еркімен босағандар, - дейді Жанна Қабдолдақызы.
Облыста барлығы 8237 мемлекеттік қызметкер бар. Алайда 670 жұмыс орны бос тұр. Одан бөлек жыл басынан бері 3266 бос орынға байқау жарияланса, оған 1396 адам ғана қабылданған.
