Өскемен мен ШҚО Қызын оттан құтқарған 80 жастағы қарт ауруханада көз жұмды
Қарияның денесінің жартысын күйік шалған
Жексенбі күні таңертең Тарханка ауылында жер үй өртеніп, мүгедек қызы мен 80 жастағы қария от ортасында қалған. Зейнеткер қарап отырмай, 50 жастағы мүгедек қызын өрттен алып шыққан. Алайда ауыр жарақат алған.
ШҚО ІІД баспасөз қызметі Өскемен қалалық №1 аурухананың жансақтау бөліміне түскен қарт кеше көз жұмды деп хабарлады.
Ал мүгедек қыз аудандық ауруханада жатыр. Иіс газынан тұншығып қалған. Әйел адам не сөйлей алмайды, не қимылдай алмайды.