ШҚО-да жаңа теміржол құрамы жүретін болады

Жаңа жылдан бастап «Жолаушылар тасымалы» АҚ «Астана-Семей» бағыты бойынша №154/153 жедел пойызын шығармақ. Пойыз күнделікті қатынайды. Сонымен қатар, 2018 жылдың 1 қаңтарынан бастап «Астана-Лениногорск» бағытындағы № 376/375 пойыз вагондары «Тулпар-Тальго» вагондарына алмастырылады. Ал жолдағы уақыты 28 сағатқа қысқартылады. Яғни, әдеттегіден үш сағатқа ерте жететін болады. 1 қаңтардан бастап «Алматы – Защита» №69/70 жедел пойызының нөмірі №45/46 деп өзгертіледі. Ал пойыз уақыттары мен бағасын 105 бірыңғай теміржол анықтама қызметінен білуге болады.