Өскемен мен ШҚО «Спорт Сарайы» маңы балшық болып жатыр
Өскемен қаласындағы «Спорт Сарайы» маңындағы жерүсті жүргіншілер жолын салуға байланысты құрылыс жұмыстары жүріп жатқандықтан, жол маңы балшық пен лайға толып кеткен
Ал қала тұрғындары болса, бұған наразы. Өйткені аялдама алдында ешқандай да жөндеу жұмыстары жүргізіліп жатқан жоқ, жұмысшылардың қарасы көрінбейді. Алайда жаяу жүргіншілер жүретін жолдың үсті батпақ пен лайға толы.
Ал қалалық ТҮКШ бөлімі бұл маңда жұмыстардың жүргізіліп жатқанын әрі ол біткен соң ғана жолдың тазаланатындығын айтуда.
- Жылытылған аялдама салынып біткен соң, алаң тазаланатын болады, - дейді қалалық ТҮКШ бөлімі басшысының орынбасары Еркін Тұраров.
Аялдама құрылысымен бірге жерүсті өткелін салу жұмыстары да қатар жүргізілуде.
- Жер астындағы инженерлік коммуникацияларды ауыстыру жұмыстары жүруде, - дейді Еркін Тұраров. - Металл құбырлар дайын. Қазіргі уақытта оларды жеткізу мәселесі қаралуда.
Металл құбырлар жеткізілген соң, ол орнатылып, топырақ жабылады.
