Өскемен мен ШҚО Облыста дизель отыны жетіспей жатыр
Өскемен қаласының жүргізушілер дизель отынының жанармай құю бекетінде мүлдем құрып кеткендігін, жағармай таба алмай дал болғандығын айтады.
Бізге қалада орналасқан екі жанармай құю бекеті солярка отынын жоқ десе, «Гелиос» бекеті тек талон арқылы ғана сатып жатқанын жеткізді.
Қала әкімдігінің баспасөз қызметі «Номад» атты жанармай құю бекеттерінде дизель мен солярка отынының қолма-қол ақшаға, ал "Sinooil" мен "BenzOil" ЖШС бекеттерінде талон арқылы сатылып жатқанын айтады. "Штиф" жанармай құю бекетіне алдағы уақытта Шымкенттен 60 тонна дизель отыны әкелінеді.
Ал «Гелиосқа» Орынбор облысынан 455 тонна дизель отыны жеткізілмек. Оның бағасы қанша болатындығы әлі белгісіз, алайда қымбат болары сөзсіз.