Өскемен мен ШҚО Дәрігерді өздері тағайындайды
Жарма ауданында туберкулез ауруына шалдыққандар саны биыл екі есеге артқан. Олардың арасында ер адамдар да, балалар да бар
- Ауданда екі аурухана бар. Шардың қалалық және аудандық ауруханалары бір біріне бағынбайды, - дейді аудан әкімі Нұрлан Батташұлы. - Олар ШҚО Денсаулық сақтау басқармасының балансында. Егер ауру мен дерт саны өсетін болса, аудан басшысы жауапты. Ал кадр сұрақтарына келгенде басқарма шешеді. Бізбен ақылдаспай бас дәрігерді тағайындайды. Қаншама амбулатория болса да, бірде бір дәрігерге сөгіс айтып, жұмыстан қуа алмаймын. Себебі олар тек облыстық денсаулық басқармасына бағынады. Мысалы, былтыр жаңа медициналық құралдар сатып алынды. Олардың қаптамасы да ашылмаған еді. Тексеру барысында әкімдікке сөгіс айтылды. Ал мұның барлығына денсаулық сақтау басқармасы жауапты болған.
Қазіргі таңда аудандық ауруханалардың бірінде бас дәрігер вакансиясы болды. Олар әкіммен де келіспей, өздері қол жинап, басшыларын тағайындаған.
