Өскемен мен ШҚО ШҚО-да браконьерлерді анықтауға дрон жіберіледі
Шығыс Қазақстан облысының табиғи ресурстар және табиғат пайдалануды реттеу басқармасы дронның күшін сынап көрмек мақсатта көкке ұшырған. Ал дрон болса, жіберілген күні-ақ сұғанақ аңшының үстінен түскен.
Мамандар тексеріс кезінде дронның адамға тигізер пайдасы көп деп отыр.
- Облысымыздың жері кең, аңшылық аумағы да үлкен. Өзен-көлдер көп, – дейді Шығыс Қазақстан облысының табиғи ресурстар және табиғат пайдалануды реттеу басқармасының бөлім басшысы Арман Есентаев. - Бұрындары жасырынып жатқан қайық пен браконьерлердің өзге де құрал-жабдықтарын бірден анықтай алмай әбігерге түсетін едік. Ал дрон мұны бірден анықтайды. Балықшының құрал-саймандарын жасырып не суға лақтырып жатқан жерін де бейнетаспаға түсіріп ала алады. Бұл – бұлтартпас дәлел.
Ал бірінші қараша күнгі тексеріс кезінде Бұқтырма жағалауында заңсыз балық аулаған сұғанақ балықшы ұсталған. Дрон сынаққа жіберілген алғашқы күнінде-ақ «қырағылық» танытқан. Жағадан балықшы жасырған екі қайық пен 360 метрге жететін ау, заңсыз ауланған 30 килограмм балық табылған.
Следующая →
