Өскемен мен ШҚО Өскемендегі «Өзен вокзалы» аялдамасының орны ауыстырылды
Енді автобустар «Айка» дүкенінің жанынан тоқтайды
Бұл аялдаманы жылжыту жаз мезгілінен бері жоспарланған. Ол кезде ШҚО прокуратурасы қалалық ТҮКШ, жолаушылар көлігі және автомобиль жолдары бөліміне ЖКО санының өсуіне, жақын маңдағы мектептен жүгіріп шығатын оқушыларға байланысты ұсыныс айтқан болатын.
Коммуналды қызметкерлер прокурорлардың ұсынысына құлақ асып, аялдама кешенін жылжытты.
- Жаңа аялдаманың жерін тазалап, тас жол төседік. Кеше уақытша павильон орнаттық, қараша айының екінші бастап аялдаманың өзі орнатылатын болады, - дейді коммуналды мекеме басшысы Руфат Акрамов.
ТҮКШ басшысы хабарлағандай, жаңа аялдамада екі павильон орын тебуі мүмкін. Себебі өсіп тұрған ағаштар үлкенін орнатуға мүмкіндік бермейді. Аялдама әзірге «суық» күйінде қалады. Жылы павильон орнату сұрағы келесі жылдың еншісінде қалады.