Өскемен мен ШҚО Өскеменде зейнеткер жоғалып кетті
Өскемен қаласының тұрғыны 79 жастағы зейнеткер Николай Соколов 24 қазан күні үйден шығып кетіп, қайтып оралмаған
Туған-туыстары оны екі күн бойы іздеп таба алмаған. Зейнеткер Дзержинский көшесі 18/1 мекенжайында орналасқан пәтерінен таңғы сағат 6.30-да шығып кеткен.
Туыстары зейнеткердің таңға жақын аулада екі-үш сағат серуендеп қайтатынын, алайда үйге көп кешікпей оралатындығын айтады.
- Полиция қызметкерлеріне хабарластық. Олар келіп ауданды тексеріп шықты. Зейнеткерді сағат 12.00 шамасында көрген куәгерлер бар, - дейді жоғалған зейнеткердің немересі Александр Гордин. - Атамның есте сақтау қабілеті жақсы, тегіннен-тегін жоғалып кетуі мүмкін емес.
Николай Соколов жоғалған күні үстіне ақшыл-қошқыл түстес күртеше, ақ түсті бас киім, көк джинсы мен қоңыр кроссовка киіп шыққан.
Қандай да бір көрген, білген адамдар болса, 8-771-133-36-34 (немересі Александр), 8-72-32-61-62-38 (жолдасы Елена Николаевна) немесе 102 нөміріне хабарласса болады.