Өскемен колониясынан қашып кеткен қылмыскер Талдықорғанда ұсталды

Сотталған 23 жастағы жігіт шілде айында ұстау мекемесінен қашып шығып, із-түссіз жоғалып кеткен. Енді, міне, Алматы облысынан ұсталып отыр.

Шығыс Қазақстан облысы мен Алматы облысының полицейлері біріге отырып, қашқынды Талдықорған қаласында жүрген жерінен ұстаған.

- Қашқын 2017 жылдың шілде айынан бері іздестіріліп келеді. Өскемен қаласында орналасқан ұстау мекемесінде жазасын өтеп жатқан. Жұмыс істеп жүрген жерінен қашып кеткен, - дейді ҚР ІІМ-не қарасты комитеттің баспасөз қызметі.

Жас жігіт ұрлық жасағаны үшін 4 жыл бас бостандығынан айырылған.

Тақырыптар: Правоохранительные органы Казахстана