Өскемен мен ШҚО Шемонаиха ауданында жылу мәселесі шешілді
Жөндеу жұмыстары аяқтала салысымен шемонаихалықтар үздіксіз жылумен қоса жазғы кезеңде ыстық сумен де қамтылатын болады.
2009 жылдан бері Шемонаиха ауданы қарасты Усть-Таловка ауылындағы қазандық жөндеу көрмеген. Бұл қазандық ауылдағы үйлермен бірге Шемонаихадағы бірнеше кәсіпорынды жылумен қамтиды.
Жуықта қазандық «Восток-Энерго» ЖШС құзырына өтіп, жағдай жақсара түскен. Кәсіпорын өз қаражатына күрделі жөндеу жұмыстарын жүргізді. Жылу желілерін жаңартудың өзіне 68 миллион теңге қаражат жұмсалды.
- Бірнеше жыл ішінде Шемонаиханың маңызды мәселесі шешімін тапты. Енді өзге де маңызды сұрақтарды, оның ішінде, жаңа тұрғын үй құрылысын салу туралы ойлануға болады, - дейді ШҚО әкімі Даниал Ахметов Шемонаиха ауданына барған арнайы жұмыс сапарында. - Инженерлік байланысты орнатуға қаржы бөлеміз. Бюджеттік сала өкілдері – мұғалімдер, дәрігерлердің пәтерге қол жеткізуін ойластырамыз.
