Өскеменде патрульді полиция екі жүргіншіні қағып кетті

Оқиға кеше сағат 19.30-да Бажов көшесінде орын алған. 41 және 47 жастағы ер адамдар жолды белгіленбеген жерден кесіп өтпек болған. Жол-көлік оқиғасы салдарынан екі ер адам да жарақат алып, №1 қалалық ауруханаға жеткізілді.

Бір ер адамның қолы сынған болса, екіншісі травматология бөлімінде жатыр, жағдайы ауыр.

- Бұл жерде жаяу жүргіншілер жолағы жоқ. Аталған дерек бойынша ҚК-тің 345-бабы, 1-тармағына сәйкес қылмыстық іс қозғалуда, - делінген ШҚО ІІД баспасөз қызметі.