АИ-92 маркалы бензин 157 теңгеге дейін қымбаттауы мүмкін

Бұл жайында ұлттық компанияның операциялық басқару жөніндегі орынбасары Нүркен Мырзағалиев айтып отыр.

- Ресейдегі бензин бағасы Қазақстанға қарағанда қымбат әрі тасымалдау үшін де қаржы керек. Сондықтан АИ-92 маркалы бензиннің бағасы 155-157 теңгеге дейін жетуі мүмкін, - дейді Нүркен Мырзағалиев.

Қазақстандағы мұнай өңдеу зауыттарының ағымдағы жөндеу жұмыстарына берілгендіктен, елде бензиннің қоры азайып кетті. Ал оны толықтыру үшін Ресейден жанармай тасымалдануда.

Қазіргі уақытта «ҚазМұнайГаз» жанамай құю бекеттерінде АИ-92 бензинінің бағасы 147 теңге. Ал 2 қазаннан бастап бензин 150-152 теңгеге дейін қымбаттады.