Өскемен мен ШҚО Согра ауданында көпір жөнделмек
Өскемен қаласының әкімі Согра ауданы тұрғындарымен кездесті.
Согра ауданындағы "Коммунальщик" бау-бақша қоғамдастығы тұрғындары аспалы көпірдің апаттық жағдайда тұрғанын айтып, әкімге арыздарын жеткізді. Қала әкімі көпірді жөндеу туралы шешім қабылдап, бір аптаның ішінде жобалық-сметалық құжаттарды әзірлеу жөнінде құзіретті басшыларға тапсырма берді.
Сонымен қатар, Машиностроитель көшесі бойында тротуарлар жөнделмек. Бұл, әсіресе, көше бойындағы жауын суының жер үйлердің ауласына еніп кетпеуіне септігін тигізбек.