Жаңаөзенде жұмыссыз ер адам үстіне бензин құйып, өзін-өзі өртеп жіберді

Куәгерлердің айтуынша, 40 жастағы ер адам өзін-өзі өртеп жіберуге «қарекет қылған». Бес күн бойы Жаңаөзен орталық ауруханасында ес-түссіз жатқаннан кейін, аудандық реанимациялық бөлімге жеткізілген.

- Жағдайы ауыр. Ер адам өз-өзіне қол жұмсағысы келгенге ұқсайды. Денесінің 55 пайызын күйік шалған. Тыныс алу жолдары зардап шеккен. Антибиотикотерапиялық көмек жасалуда. Пациенттің жағдайы 3-4 аптадан кейін ғана жақсаруы мүмкін. Бүйрегі мен бауыры жұмыс жасамай қалуы мүмкін, - дейді облыстық аурухананың дәрігері Жансерік Шаухымбердиев.