Өзгенің көлігімен апатқа түскен

Өскемен қалалық ІІБ баспасөз қызметінің мәліметтеріне сүйенсек, жол-көлік оқиғасы Стрелка ауданында Славский атындағы жағалауда орын алған. Танысының Hyundai Elantra көлігін сұраусыз алып айдап кеткен азамат апатқа ұшырап, төрт көлікті зақымдаған. - Көлікті мас күйінде тізгіндеген азаматқа қатысты ҚР ҚК 200-бабы 1-бөлімі бойынша қылмыстық іс қозғалып, 608-бабы 1-бөлімі бойынша әкімшілік хаттама толтырылды, - дейді мекеменің баспасөз хатшысы Әсел Әмренова.