Өскемен мен ШҚО Қазпошта кассирі көпбалалы отбасының жәрдемақысын қымқырған
26 жастағы әйел жалған түрде қол қойып, жәрдемақыны өзіне алып алған.
Қазпоштаның №14 Өскемен қалалық бөлімінде бір жыл жұмыс істеген кассир ханым үш бірдей әйелдің тиісілі жәрдемақысын алмай жүргенін байқаған.
Кейін үш әйелдің де жәрдемақасын шешіп алып, қаржының жымқырылғанын білдірмеу үшін құжатқа жалған қол қойған. Қолды болған қаржының жалпы сомасы - 97 мың теңге.
Ақшаның жоғалғаны белгілі болған сәтте кассирші өзінің жасаған әрекетін мойындап, барлық қаржыны қайтарып беруге уәде берген. Алайда №2 қалалық сот әйелді бес жыл бас бостандығынан айырып, мемлекеттік қызметтен шеттету жөнінде үкім шығарған.
