Әлем Ресейде құрлықаралық зымыранға жасалған сынақ сәтті аяқталды
Ресей әскерилері құрлықаралық РС-24 Ярс баллистикалық зымыранына сынақ жасады.
Зымыран Архангель облысындағы Плесецк ғарыш айлағынан жіберілген.
- Сынақтың басты мақсаты зымырандардың сенімділігіне көз жеткізу болатын. Экспериментальды әскери блок Камчатка аралында орналастырылған. Зымыран блокқа дәл құлап, қойылған міндет толықтай аяқталды, - дейді РФ Қорғаныс министрлігі.
PC-24 Ярс – бұл Мәскеу жылу техника институтының ойлап тапқан ресейлік баллистикалық зымыраны. Бұл зымыран типі Ресей Қарулы Күштерінде қолданып жүрген бірнеше ракетаның орнын алмастырмақ.
