ШҚО-да бұршақ жауды

Куәгерлердің бірі жауған бұршақтың суреттерін әлеуметтік желіге жүктесе, енді бірі оқиғаның салдарын пайымдауда.

- Су көлігінде жұмыс істеймін, - дейді куәгер Сергей. - Жауған бұршақ көлемі бөдене жұмыртқасының үлкендігіндей. Бұршақ жауғанда шынылар сынатындай болды. Барлығын құтқару кеудешелерімен жабуға тура келді.

ШҚО ТЖД баспасөз қызметі ақпаратына сәйкес, табиғи апаттан зардап шеккендер тіркелген жоқ. Айта кетейік, кеше синоптиктер облыс тұрғындарына ауа райының өзгеретіндігін, кей жерлерде секундына 23-28 метрге дейін жел күшейетіндігін, сондай-ақ, найзағай ойнап, нөсер өтетіндігін хабарлаған болатын.