Көкпектіде қарулы қақтығыс орын алып, екі адам көз жұмды

Белгісіз қарулы азаматтар жер үйлердің біріне баса-көктеп кіріп, үй иесіне оқ атып, оның туысын өлімші етіп сабаған. Оқ тиген азамат оқиға орнында жан тапсырса, екіншісі ауруханаға барар жолда көз жұмды. Ер азаматтардан өзге сол уақытта үйде екі әйел адам болған. Қарақшылар оларды байлап, үйде тұрған бір миллионды жымқырып, іздерін суытқан. Аталмыш факті бойынша тергеу жұмыстарын жүргізу үшін шұғыл-тергеу тобы құрылып, тез арада күдікті үш азаматты қолға түсірді. Күдіктілер – Көкпекті ауданының тұрғындары. - Адам өлімі мен қылмыстық іске қатысты сотқа дейінгі тергеу басталды, қажетті сараптама жұмыстары белгіленді. Күдіктілер уақытша қамау изоляторына тоғытылды, - деп мәлімдеді ШҚО ІІД баспасөз қызметі.