Семейде екі бала көпқабатты үйден құлап кетті
Бес жасар ұл бала жетінші қабаттан, алты жасар қыз төртінші қабаттан құлап, ауыр халде ауруханаға түсті
Жексенбі күні ата-анасының көзінен тыс қалған екі бала зардап шекті.
Бірінші жағдай 3 қыркүйек күні таңертең орын алды. Таңғы алты шамасында бес жасар баланың әкесі шылым сатып алуға шығып кеткен. Бұл уақытта бала оянып кетіп, әкесін іздеген. Пәтерден таба алмаған соң, қылтимаға шығып, жан жақтан әкесін іздеп әлек болған. Нәтижесінде тепе-теңдіктен айрылып, құлап кетті. Семей қалалық ТЖБ ақпаратынша баланың миы шайқалып, бас сүегі сынып, комаға түскен.
Дәл өсы күні Энергетик шағын ауданында төртінші қабаттан алты жасар қыз бала құлады. Ол ауруханаға «жабық бас сүйек-ми зақымы» деген диагнозбен түсті. Балақайдың көп жері сынып, ауыр халде жатыр. Анықталғандай бала ата-анасымен жер үйде тұрады, бірақ бұл күні қонақта болған. Бұл шағын ауданда орын алып отырған екінші жағдай. Естеріңізге саламыз, 15 тамыз күні алтыншы қабаттан төрт жасар бала құлап кеткен.
ШҚО ІІД баспасөз қызметі хабарлағандай, аталған екі факті бойынша тергеу жүргізілуде.
Следующая →