Өскемен мен ШҚО ШҚО оқушыларына қажетті нөмірлер жазылған шпаргалкалар таратылды
Шығыс Қазақстан облысы Төтенше Жағдайлар Департаменті оқушыларды жаңа оқу жылының басталуымен құттықтай отырып, шұғыл хабарласуды талап ететін нөмірлер жазылған арнайы парақтар таратылып берді
Оқушылардың көбі өрт туған жағдайда кімге хабарласу керектігін білмейтін болып шықты. Ал кейбірі құтқару қызметінің үш сандық телефондарын шатыстыратын болып шықты.
Бүгінгі таңда ШҚО-да 1100 өрт жағдай орын алған. Оның ішінде 700 өрт жекеменшік үйлер мен құрылыстардың ішінде пайда болған. Соған байланысты ШҚО ТЖД 50 мыңға жуық қажетті телефон нөмірлері жазылған қызыл түсті мұқабалар таратты.
- Алғашында біз дәптер дайындауды ойладық. Алайда оқушылардың көбі дәптерді қолданған соң, оны лақтырып тастайды. Бұл тиімсіз, - дейді ШҚО ТЖД Ақпараттандыру және халықпен жұмыс тобының бас маманы Анастасия Скляр. - Ал мұқабаны бір дәптерден шешіп алып, екінші бір дәптерге қаптап ұзақ пайдалануға болады. Науқан жыл бойы жалғаспақ.
Науқан Өскемен қаласының Защита шағын ауданынан басталған. Өйткені бұл ауданда өрт көп болған. Өрт сөндірушілер алдымен №22 мектепке барып, түсіндіру жұмысын жүргізген.