Өскеменде Бажов көшесіндегі кәуапхана өртке оранды

Оқиға орнына жеткен №2 ӨБ өрт сөндірушілері кәуапхананың ішкі қаптаулары мен жиһаздың жанып анықтаған. Өскемен қалалық ТЖБ хабарлағандай, жалын 20 шаршы метрді шарпыған, оны ауыздықтауға 50 минуттай уақыт кеткен. Өртті сөндіру жұмыстарына жеке құрамның тоғыз қызметкері мен екі техника жұмылдырылды. Мамандардың айтуынша, оқиғаға өрт қауіпсіздік ережелеріне немқұрайлы қарау немесе салғырттық себеп болуы мүмкін. Мамандар осындай орындардың иелеріне ғимараттың ішкі қабырғалары қауіпсіздік талаптарға сай болуы керектігін ескертеді. Өрт орын алған жағдайда міндетті түрде 101 нөміріне қоңырау шалып, іште қалған адамдарды тез арада шығаруға әрекет ету керек.