ШҚО-да әкімдер сайланды

Аудан деңгейіндегі қалалар мен ауылдық округ, ауыл әкімдерінің жаңа тізімі жасалды, оның кейбірі өз жұмыстарын бастап кетті.

Төрт жыл ішінде әртүрлі себептермен 118 ауылдық округ әкімі қызметінен босаған. Олардың орнына жаңа әкімдер сайланған.

- Биылғы жылы жанама дауыс беру арқылы 134 әкім сайланды. Әкімді сайлауға аудандық мәслихат депутаттары қатысты. Сайлау өткізу шешімі жергілікті қауымдастық мүшелерімен, ақсақалдармен, ардагерлермен ақылдаса отырып қабылданады. Кейін аудандық газетте жарияланады, - дейді ШҚО бойынша аймақтық сайлау комиссиясы төрағасының орынбасары Александр Рукин.

Сайлау кезінде ешқандай құқықбұзу оқиғалары болмаған.

- Сайланған 134 әкімнің ішінде 100-і қайта сайланып отыр. Оның 132-і жоғары білімді, ал екеуі орта мамандандындырылған білім иесі, - дейді Александр Рукин.
Жаңа әкімдердің 118-і ер адам болса, 16-сі әйел адам.

Тақырыптар: Акимат ВКО