Өскемен мен ШҚО Ұлан ауданындағы Шалқар көлінде жас жігіт батып кетті
23 жастағы жігіттің денесін Шығыс өңірлік аэромобильді жедел-құтқару жасағы құтқарушылары тауып алған
Жас жігіт көлге достарымен демалуға келген. Көлдің ортасына дейін жүзіп барған жігіт жел күшейгендіктен, суда ұзақ уақыт тұра алмай қалған.
- Жастар демалуға барған жағалау жабдықталмаған. Құтқарушылары жоқ. Тыйым салу белгілері қойылмаған, - дейді құтқарушылар жасағының басшысы Нұржан Байжақов. - Желдің күшеюі де қайғылы оқиғаның орын алуына себепші болған. Іздеу жұмыстары бір сағатқа созылды. Жігіттің денесі 10 метр тереңдіктен табылды.
Шомылу маусымы басталғаннан бері Шығыс Қазақстанда 40 адам суға кетіп қайтыс болған. Оның 30-ы жабдықталмаған жағалау орындарында орын алған.